ഇന്ത്യയിൽ ഡിജിറ്റൽ പേയ്മെന്റ് ഇക്കോസിസ്റ്റത്തിൽ യു പി ഐ ഇടപാടുകൾ ഇന്ന് ഏറ്റവും മുന്നിൽ തന്നെയാണ് നിലനിൽക്കുന്നത്.
ഉപ്പു തൊട്ടു കർപ്പൂരം വരെ എന്തും ഏതും വാങ്ങാൻ സാധാരണക്കാർ മുതൽ എല്ലാവരും ഇപ്പോൾ യു പി ഐ പേയ്മെന്റ് സിസ്റ്റത്തെയാണ് ആശ്രയിക്കുന്നത്.
ഇന്ത്യയിൽ യു പി ഐ ഇടപാടുകൾ ദിനം പ്രതി വർധിച്ചുകൊണ്ടിരിക്കുകയാണെന്നു കണക്കുകൾ സൂചിപ്പിക്കുന്നു.
2023 ലെ രണ്ടാം പകുതിയിൽ യു പി ഐ ഇടപാടുകൾ 99 കോടിക്ക് മുകളിലേക്ക് കുതിച്ചുയർന്നു എന്നാണ് കണക്കുകൾ സൂചിപ്പിക്കുന്നത്.
കഴിഞ്ഞ ജൂലൈ മുതൽ ഡിസംബർ വരെയുള്ള കാലയളവിൽ മുൻ വർഷത്തെ അപേക്ഷിച്ചു 56 ശതമാനം വളർച്ചനേടി 99.68 ലക്ഷം കോടിയുടെ ക്രയവിക്രയങ്ങൾ നടത്തി യു പി ഐ ഒന്നാം സ്ഥാനത്തുതന്നെ തുടരുന്ന കാഴ്ചയാണ് കാണുന്നത്.
