ഏറെനാളത്തെ കാത്തിരിപ്പിനും, ഒരുപാടു വിവാദങ്ങൾക്കും ശേഷം മലയാളികൾ ഒന്നടങ്കം കാത്തിരുന്ന വിഴിഞ്ഞം തുറമുഖം എന്ന സ്വപ്നം ഇന്നലെ സാക്ഷാത്കരിക്കപ്പെട്ടു.
18000 കോടി രൂപ ചിലവ് പ്രതീക്ഷിക്കുന്ന തുറമുഖത്തിന്റെ ആദ്യ ഘട്ടമാണ് ഇന്നലെ പ്രധാനമന്ത്രി ഉദ്‌ഘാടനം നിർവഹിച്ചത്. ഇനി 3 ഘട്ടം കൂടി പൂർത്തിയാകുമ്പോഴാണ് തുറമുഖം സമ്പൂർണമാകുക. 2028 ൽ ഇത് സാധിക്കുമെന്നാണ് കണക്കുകൂട്ടുന്നത്.
പതിറ്റാണ്ടുകളായി കേരളം സ്വപ്നം കണ്ട പദ്ധതിയായിരുന്നു വിഴിഞ്ഞം തുറമുഖത്തിന്റേത്.
രാജ്യത്തെ ഏക ആഴക്കടൽ ട്രാൻസ്ഷിപ്മെന്റ് തുറമുഖം കൂടിയാണ് വിഴിഞ്ഞം എന്നത് ഇതിന്റെ പ്രസക്തി വർധിപ്പിക്കുന്നു.
ഡ്രജ്ജിങ് ഇല്ലാതെ 20 മീറ്റർ ആഴം ഇപ്പോഴും നിലനിർത്താൻ കഴിയും എന്നതാണ് ഈ തുറമുഖത്തിന്റെ മറ്റൊരു പ്രത്യേകത .
വിഴിഞ്ഞം തുറമുഖത്തിന്റെ 10 നോട്ടിക്കൽ മൈൽ ദൂരത്തുകൂടിയാണ് ലോകത്തെ ഏറ്റവും തിരക്കുകൂടിയ രണ്ടു കപ്പൽ ചാലുകൾ കടന്നുപോകുന്നത് തുറമുഖത്തിന്റെ വാണിജ്യ സാധ്യതകൾ വർധിപ്പിക്കുന്നതാണ്.
അങ്ങനെ എല്ലാംകൊണ്ടും ഒരുപാടു പ്രത്യേകതകളും രാജ്യത്തിനു സാമ്പത്തിക വളർച്ചയും ഉണ്ടാക്കുന്ന തുറമുഖമാണ് വിഴിഞ്ഞം .
