ഒറ്റ ചാർജിൽ 3 ദിവസം ചാർജ് നിലനിൽക്കുന്ന മോട്ടോറോളയുടെ മോട്ടോ G-37 പവർ ഇന്ത്യയിലെത്തി.
കരുത്തുറ്റ ബാറ്ററി കപ്പാസിറ്റിയുമായി മൊട്ടറോളയുടെ പുതിയ സ്മാർട്ട് ഫോൺ ഇന്ത്യൻ വിപണിയിൽ അവതരിപ്പിച്ചിരിക്കുന്നു.
7000mAh ബാറ്ററിയുള്ള ഈ ഫോൺ ഒറ്റത്തവണ ചാർജ് ചെയ്താൽ 3 ദിവസം വരെയുള്ള ബേക്കപ്പ് കിട്ടും എന്നാണ് കമ്പനി അവകാശപ്പെടുന്നത്.
തുടർച്ചയായി യാത്ര ചെയ്യുന്നവർക്കും, കൂടുതലായി ഫോൺ ഉപയോഗിക്കുന്നവർക്കും സിനിമകൾക്കും ഗയിമിനുമായി കൂടുതൽ സമയം മൊബൈൽ ഉപയോഗിക്കുന്നവർക്കും ഈ ഫോൺ വലിയ ആശ്വാസം നൽകും എന്നാണ് വിലയിരുത്തപ്പെടുന്നത്.
ലുക്കിനെക്കാൾ ബാറ്ററി ലൈഫ് നോക്കുന്നവർക്ക് വളരെ മികച്ച ഓപ്ഷൻ ആണ് ഈ ഫോൺ. 30 വാട്ടിന്റെ ചാർജിങ് സാങ്കേതിക വിദ്യയും കമ്പനി ഈ ഫോണിന് നൽകുന്നുണ്ട്.
മോട്ടോ G37 പവർ ഇന്ത്യയിൽ 15,999 രൂപക്ക് ലഭ്യമാണ്. മെയ് 24 മുതൽ ഓൺലൈൻ സൈറ്റുകളിലും റിറ്റൈൽ ഷോറൂമുകളിലും ഈ ഫോൺ ലഭ്യമായി തുടങ്ങിയിട്ടുണ്ട്.
