ഒടുവിൽ ബ്രോഡ്ബാൻഡ് സാറ്റലൈറ് സേവനങ്ങൾ നല്കാൻ ഇന്ത്യയിൽ അനുമതി ലഭിച്ചിരിക്കുന്നു.
.png)
ഉപഗ്രഹ സ്പെക്ട്രം അനുവദിക്കുന്നതിന് ട്രായ് പറഞ്ഞ ശുപാർശകൾ എല്ലാം തന്നെ കമ്മീഷൻ അംഗീകരിച്ചുകൊണ്ടാണ് ഈ അംഗീകാരം നൽകിയിരിക്കുന്നത്. ഇതുവഴി സാറ്റലൈറ് ബ്രോഡ്ബാൻഡ് സേവങ്ങൾ നൽകുന്നതിനായി അപേക്ഷിച്ചിട്ടുള്ള കമ്പനികൾക്ക് അവരുടെ സേവങ്ങൾ നൽകുന്നതിന് സർക്കാരിന് അംഗീകാരം നല്കാൻ സാധിക്കും,
നിബന്ധനകൾക്ക് വിധേയമായാണ് ഓരോ കമ്പനികൾക്കും അംഗീകാരം നൽകുക, 5 വർഷത്തേക്കായിരിക്കും അനുമതി. അതോടൊപ്പം മൊത്തം വരുമാനത്തിന്റെ 5 ശതമാനം സ്പെക്ട്രം ഉപയോഗ ചാർജായി നൽകേണ്ടിവരും.
ഇന്ത്യയിൽ ഈ സേവനം നൽകാനുള്ള അംഗീകാരം സ്റ്റാർലിങ്ക് കരസ്ഥമാക്കിയിട്ടുണ്ട്. കൂടാതെ റിലയൻസ് ജിയോ, വൺവെബ്, യുട്ടെൽസാറ്റ് എന്നീ കമ്പനികളും അംഗീകാരത്തിനായി കാത്തിരിക്കുകയാണ്.
കമ്മീഷന്റെ അനുമതി ഇനി മന്ത്രിസഭാ സമിതിയും പിന്നീട് കേന്ദ്ര മന്ത്രിസഭയും അംഗീകരിക്കേണ്ടതുണ്ട്. അതിനു ശേഷമായിരിക്കും പൂർണ അനുമതി ലഭിക്കുക.
