ഓൺലൈൻ ഇ-കോമേഴ്‌സ് ഉത്പന്നങ്ങളുടെ ഗുണനിലവാരം കുറയുന്നു ?
.jpg)
ആമസോൺ, ഫ്ലിപ്കാർട് തുടങ്ങിയ ഡസൻ കണക്കിന് ചെറുതും വലുതുമായ ഇ-കോമേഴ്‌സ് കമ്പനികൾ ഇന്ന് ഇന്ത്യയും ലോകം മുഴുവനും അടക്കി വാഴുന്നു.
എന്നാൽ ഇത്തരം ഉത്പന്നങ്ങളുടെ ആധികാരികതയും ഗുണനിലവാരവും മറ്റും പലപ്പോഴും ചോദ്യം ചെയ്യപ്പെടുന്നതാണ്.
ഈ അടുത്തകാലത്തു ഇന്ത്യയിൽ പലയിടങ്ങളിലും ആമസോൺ, ഫ്ലിപ്കാർട് തുടങ്ങിയ ഇ-കോമേഴ്‌സ് സ്ഥാപങ്ങളുടെ ഗോഡൗണുകളിൽ അധികൃതർ നടത്തിയ മിന്നൽ പരിശോധനയിൽ നിരവധി ഗുണനിലവാരം കുറഞ്ഞതും, ഉപയോഗശൂന്യമായതും, വ്യാജമായതുമായ ഉല്പന്നങ്ങൾ കണ്ടെത്താനായി എന്നത് ഈ സ്ഥാപങ്ങളുടെയും അവർ നൽകുന്ന ഉത്പന്നങ്ങളുടെയും വിശ്വാസ്യതയെ ചോദ്യം ചെയ്യുന്നതാണ്.
ഇക്കഴിഞ്ഞ ദിവസം കൊച്ചിയിൽ ആമസോൺ ഗോഡൗണിൽ നടന്ന ബ്യുറോ ഓഫ് ഇന്ത്യൻ സ്റ്റാൻഡേർഡിന്റെ പരിശോധനയിൽ ഒട്ടനവധി വ്യാജ ഉത്പന്നങ്ങളും, ഗുണനിലവാരം കുറഞ്ഞതുമായ ഉത്പന്നങ്ങൾ കണ്ടെത്താനായി.
വർഷങ്ങളായി ഇത്തരത്തിലുള്ള ഉത്പന്നങ്ങൾ ഈ കമ്പനികൾ വിട്ടുവരുന്നു എന്നാണ് അന്വേഷണത്തിൽ മനസിലാക്കാൻ കഴിയുന്നത്. ഒരുപക്ഷെ നമ്മുടെയൊക്കെ വീട്ടിൽ ഈ കമ്പനികൾ വഴി വാങ്ങിയ ഇലക്ട്രോണിക് ഉപകരണങ്ങൾ, അടുക്കള സാധങ്ങൾ, വിദേശബ്രാന്ഡുകളുടെ ഉത്പന്നങ്ങൾ അങ്ങനെ പലതും വ്യാജൻ ആകാൻ സാധ്യതയുണ്ട് എന്ന കാര്യം ഓർത്താൽ നന്ന് .
